सारथी केवल इन्डष्ट्रीज लिमिटेडले साधारणसभा आह्वान गरेको छ। कम्पनीले भदौ ११ गते रुपन्देही स्थित आफ्नै कार्यालयमा सभा बोलाएको हो।
सभामा कम्पनीको चुक्ता पुँजी वृद्धि गर्ने, प्रबन्धपत्र र नियमावली संशोधन गर्ने, आईपीओ निष्काशन गर्ने लगायतका विशेष प्रस्ताव पेश हुने छन्। कम्पनीले आईपीओ निष्काशन गर्नको लागि सिटिजन्स क्यापिटलसँग सम्झौता गरिसकेको छ । कम्पनीले जारी पुँजीको २० प्रतिशत आईपीओ निष्काशन गर्न योजना बनाएको छ । सारथी केवलले विगत १८ वर्षदेखि नेपालमै केवल तथा तार उत्पादन गर्दै आएको छ । कम्पनीले Multi-Strand Cable, Power Cable, Concentric Cable र ACSR Conductor उत्पादन गर्दै आएको छ ।
यस्ता छन् कम्पनीको सभामा पेश हुने प्रस्तावहरु :
साधारण प्रस्ताव:
क) संचालक समितिको तर्फबाट संचालक समितिका अध्यक्षले प्रस्तुत गर्ने हुने आ.ब. ०८१/०८२ को बार्षिक प्रतिवेदन उपर छलफल गरी पारित गर्ने सम्बन्धमा ।
ख) लेखापरीक्षकको प्रतिवेदन सहितको आ.व ०८१/०८२ को लेखापरिक्षण प्रतिवेदन, वासलात, नाफा नोक्सान हिसाब र सोही अवधिको नगद प्रवाह विवरण लगायतका बित्तिय बिवरण उपर छलफल गरी पारित गर्ने सम्बन्धमा ।
ग. आ.ब. २०८२/०८२ को लागि लेखापरीक्षक नियुक्ती तथा निजको पारिश्रमिक तोक्ने सम्बन्धमा ।
घ) संचालक समितिबाट भए गरेका निर्णयहरु अनुमोदन गर्ने सम्बन्धमा ।
ङ) कम्पनी सचिवको नियुक्ती तथा निजको पारिश्रमिक तोक्ने सम्बन्धमा ।
च) बिबिध ।
विशेष प्रस्तावहरू:
क) सर्वसाधारणमा कम्पनिको साधारण शेयर सार्वजनिक निष्काशन गर्ने सम्बन्धमा तथा सो सम्बन्धी आवश्यक सम्पूर्ण कार्य गर्न/गराउन सञ्चालक समितिलाई अख्तियारी दिने सम्बन्धमा ।
ख) कम्पनिको पुँजी वृद्धि गर्ने तथा प्रबन्धपत्र र नियमावलीमा आवश्यक संशोधन गर्ने सम्बनधमा ।
ग) नियामक निकायबाट प्रबन्धपत्र तथा नियमावलीमा कुनै संशोधन, थपघट वा परिमार्जन गर्नको लागि राय सुझाव वा निर्देशन प्राप्त भएमा सोही बमोजिम आवश्यक सम्पुर्ण कार्य गर्न/गराउनको लागि सञ्चालक समितिलाई अख्तियारी दिने सम्बन्धमा ।
