साताको पहिलो कारोबार दिन प्रि ओपन सेसनमा नेप्से परिसूचक १ अंक बढेर बन्द भएको छ। अघिल्लो कारोबार दिन अर्थात गत बिहीबार ३१.५० अंक घटेर २९२२.६३ विन्दुमा बन्द भएको नेप्से, यस दिन सो सेसनमा १.२३ अंक बढेर २९२३.८७ विन्दुमा पुगेको छ। सो सेसनमा सेन्सेटिभ इण्डेक्स भने ०.२७ अंक बढेको छ।
आइतबार प्रि ओपन सेसनमा ५६ स्टकको २०१ पटकको कारोबारमा ७६ लाख १६ हजार १३१ रुपैयाँ ८० पैसाबराबरको १२ हजार ४९५ कित्ता शेयर खरिदबिक्री भएको छ। जसमध्ये ३० स्टकको मूल्य बढेको छ भने २५ स्टकको मूल्य घटेको छ। बाँकी १ स्टकको मूल्य सो सेसनमा स्थिर रहेको छ।
