काठमाडौं । कास्की जिल्लाको माछापुच्छ्रे गाउँपालिकामा निर्माणाधीन २४ मेगावाट क्षमताको सुपरसेती जलविद्युत आयोजना लागि आवश्यक पूँजी जुटाइएको छ। कुल लागत ५ अर्ब ४० करोड रहने आयोजनामा सानिमा बैंकले २ अर्ब ५० करोड र सिद्धार्थ बैंकले १ अर्ब २८ करोड गरी ३ अर्ब ७८ करोड लगानी गर्ने भएका छन्।
यस सम्बन्धी सम्झौतापत्रमा सुपरसेती हाइड्रोका अध्यक्ष अशोक खड्का, सानिमा बैंकका डेपुटी सिईओ पवन आचार्य र सिद्धार्थ बैंकका सिईओ सुन्दर कणेँलले हस्ताक्षर गरेका हुन्। परियोजना सन् २०२५ (वि.सं. २०८१) फाल्गुन १८ बाट सुरु भइसकेको हो र ३ वर्षभित्र निर्माण सम्पन्न गरी २०८४ कार्तिकबाट उत्पादन थाल्ने लक्ष्य छ।
एसएन इनर्जी लिमिटेडद्वारा प्रवर्द्धित यो आयोजना स्तरोन्नति गरिँदै ३० मेगावाट क्षमतामा पुर्याउने तयारी भइरहेको छ। परियोजनाको निर्माण लागत ५ अर्ब ४ करोड भए पनि स्तरोन्नति पश्चात प्रति मेगावाट लागत घटेर १९ करोडमा सीमित हुने अनुमान गरिएको छ। कुल लगानीमध्ये २५% संस्थापक पूँजी र ७५% बैंक कर्जाबाट व्यवस्थापन गरिनेछ। नेको इन्स्योरेन्सले परियोजनामा २०% लगानी गर्दै संस्थापकको भूमिका निर्वाह गरिरहेको छ भने उत्पादनपछि राष्ट्रिय प्रसारण प्रणालीमा जोड्ने तयारी र नेपाल विद्युत प्राधिकरणसँग उर्जा खरीद सम्झौता समेत सम्पन्न भइसकेको छ।
