काठमाडौं । नेपाल माइक्रो इन्स्योरेन्स कम्पनी लिमिटेडको आईपीओ सूचीकृत भएको छ । नेपाल स्टक एक्सचेन्ज (नेप्से) मा कम्पनीको ७५ लाख कित्ता आइपीओ सूचीकृत भएको हो।
कम्पनीको सेयरको नेप्से सिम्बोल एनएमआइसी कायम भएको छ । कम्पनीको उक्त सेयर अब आगामी चैत २३ गते सोमबारदेखि कारोबारमा आउनेछ ।कम्पनीको पहिलो कारोबारको लागि नेप्सेले १००.८० रुपैयाँ देखि ३०२.४० रुपैयाँ तोकेको छ ।
कम्पनी ऐन, २०६३ बमोजिम नेपाल सरकार, कम्पनी रजिष्ट्रारको कार्यालयमा दर्ता भई नेपाल बीमा प्राधिकरणबाट लघु निर्जीवन बीमा व्यवसाय गर्न लाइसेन्स प्राप्त गरेको हो ।कम्पनीको रजिष्टर्ड कार्यालय चितवनको भरतपुर महानगरपालिका–१ मा रहेको छ ।
