काठमाडौँ । नेपाल पुनर्बिमा कम्पनीले आर्थिक वर्ष २०८०/८१ को चौथो त्रैमाससम्मको वित्तीय विवरण सार्वजनिक गरेको छ। कम्पनीले सो अवधिसम्म निर्जीवन तथा जीवन बीमा व्यवसायबाट कुल १ अर्ब १३ करोड १६ लाख रुपैयाँ नाफा आर्जन गरेको छ, जुन अघिल्लो आवको तुलनामा २७.४१% ले कमी आएको हो। अघिल्लो वर्ष सोही अवधिमा कम्पनीको नाफा १ अर्ब ५५ करोड ८८ लाख रुपैयाँ थियो।
कम्पनीको स्पेसल रिजर्भ ४ अर्ब ४० करोड ३९ लाख, महाविपत्ति कोष ३२ करोड ४० लाख, रिटेन्ड अर्निङ ५२ करोड ९९ लाख, र अन्य इक्विटी ७८ करोड २२ लाख रुपैयाँ पुगेको छ। अघिल्लो आवको तुलनामा बीमाशुल्क आम्दानी पनि ३.९१% ले घटेर ९ अर्ब ४९ करोड रुपैयाँमा सीमित भएको छ। कुल आम्दानी १२ अर्ब ३० करोड रुपैयाँबाट घटेर ११ अर्ब २८ करोड रुपैयाँमा झरेको छ।
कम्पनीको वार्षिक प्रतिसेयर आम्दानी घटेर ८.४३ रुपैयाँमा सीमित भएको छ, जसअघिल्लो वर्ष १२.१७ रुपैयाँ थियो। प्रतिसेयर नेटवर्थ १४५ रुपैयाँ कायम रहँदा कम्पनीको पीई रेसियो ९२.०४ गुणा रहेको छ।
