काठमाडौँ । विगत केही दिनदेखि वायु प्रदूषणका कारण काठमाडौँ उपत्यकामा लागेको बाक्लो बादल फाट्न अझै केही दिन लाग्ने भएको छ।
मौसमविद् बिनु महर्जनका अनुसार भोलि (शुक्रबार)देखि वायुको वेग बढ्ने सम्भावना रहेकाले क्रमशः मौसममा सुधार आउने र आकाश खुल्ने देखिएको छ। हाल उपत्यकामा वर्षा हुने सम्भावना नरहे पनि बादल हट्ने संकेत देखिएको उनले बताइन्। बुधबारको तुलनामा आज तापक्रम केही घटेको छ भने भोलिदेखि क्रमशः तापक्रम पनि बढ्ने महर्जनले जानकारी दिइन्।
जल तथा मौसम पूर्वानुमान महाशाखाका अनुसार हाल देशमा पश्चिमी वायु तथा स्थानीय वायुको आंशिक प्रभाव रहेको छ। लुम्बिनी प्रदेशलगायत देशका पहाडी भू–भागमा आंशिक बदली देखिएको छ
