काठमाडौं । आज शेयर बजारमा दोहोरो अंकको वृद्धि भएको छ । नेप्से परिसूचक २५.३१ अंकले बढ्दै २,७०१ बिन्दुमा पुगेको छ । आज १६६ कम्पनीको शेयर मूल्य बढेको छ भने ७८ कम्पनीको मूल्य घटेको छ । कुल ३१८ कम्पनीको १ करोड ४ लाख ४२ हजार ६८३ कित्ता शेयर किनबेच हुँदा ५ अर्ब ४४ करोड रुपैयाँभन्दा माथिको कारोबार भएको छ ।
सबैभन्दा धेरै कारोबार भएको कम्पनी सीएचडीसी रहेको छ, जसको कारोबार ३६ करोड ५५ लाख रुपैयाँ पुगेको छ । त्यसैगरी, हिमालयन रिइन्स्योरेन्सको ३५ करोड ६ लाख रुपैयाँ र ङादी ग्रुप पावरको २७ करोड ३२ लाख रुपैयाँको कारोबार भएको छ ।
लगानीकर्ताको कमाइतर्फ विशाल बजार कम्पनी र सेन्ट्रल फाइनान्स कम्पनीका लगानीकर्ताले सबैभन्दा धेरै १० प्रतिशतका दरले नाफा कमाएका छन् । हाथवे इन्भेष्टमेन्टका लगानीकर्ताले ६.८३ प्रतिशत र न्यादीका लगानीकर्ताले ६.६० प्रतिशतका दरले कमाएका छन् ।
यता, सबैभन्दा धेरै घाटा बोटलर्स नेपाल बालाजूका लगानीकर्ताले व्यहोरेका छन्, जसले १० प्रतिशतका दरले गुमाएका छन् ।
