काठमाडौँ । टाइम फर्मास्युटिकल्स लिमिटेडले आफ्नो पहिलो विशेष वार्षिक साधारणसभा बोलाउँदै बुक बिल्डिङ प्रक्रियाबाट आईपीओ जारी गर्ने योजना अघि सारेको छ।
कम्पनीको साधारणसभा २०८२ वैशाख ११ गते दिउँसो १२:३० बजे गैंडाकोट–१०, भैंसाखोरीस्थित उद्योग परिसरमा आयोजना हुनेछ। सभामा आईपीओ जारी गर्ने निर्णय गर्दै आवश्यक कार्ययोजनाका लागि सञ्चालक समितिलाई अख्तियारी प्रदान गरिनेछ।
साधारणसभाले १ जना महिला प्रतिनिधिसहित संस्थापक समूहबाट ५ जना, सर्वसाधारण समूहबाट १ जना, र स्वतन्त्र सञ्चालक १ जना रहने गरी कुल ७ सदस्यीय सञ्चालक समिति चयन गर्नेछ। त्यसैगरी, कार्यकारी अध्यक्ष, प्रबन्ध सञ्चालकलगायत पदाधिकारीहरूको पारिश्रमिक, भत्ता तथा अन्य सुविधासम्बन्धी निर्णय पनि सभाले गर्नेछ।
