काठमाडौं । आईएमई लाइफ इन्स्योरेन्स कम्पनी लिमिटेडले अन्तर्राष्ट्रिय मानकीकरण सङ्घठन (ISO) बाट ISO® 9001:2015 प्रमाणपत्र प्राप्त गरेको छ। यस प्रमाणपत्रले कम्पनीमा गुणस्तर व्यवस्थापन प्रणालीका आवश्यक अवधारणाहरूको सफल कार्यान्वयन भएको सुनिश्चित गर्दछ। ISO 9001:2015 मान्यता प्राप्त सीमित बीमा कम्पनीहरूमध्ये एक भएकाले ग्राहकहरूको विश्वास बढ्नुका साथै कर्मचारी र अभिकर्ताहरूमा निरन्तर गुणस्तरीय सेवा प्रदान गर्ने ऊर्जा थपिएको कम्पनीले जनाएको छ।
कम्पनीका प्रमुख कार्यकारी अधिकृत पवन कुमार खड्काले जीवन बीमा क्षेत्रमा पृथक पहिचान बनाउन नेतृत्व विकास, ग्राहक सेवा, सम्बन्ध व्यवस्थापन, डिजिटाइजेसन, अटोमेसन र प्रक्रियागत सुधारमार्फत दिगो विकासतर्फ कम्पनी अघि बढिरहेको बताए।
