काठमाडौं । डेभलपमेण्ट बैंकर्स एशोसिएसन नेपाल (डीबान)को अध्यक्षमा पुनः सुयोग श्रेष्ठ निर्वाचित भएका छन्। पोखरामा सम्पन्न १९औं वार्षिक साधारण सभाले सांग्रिला डेभलपमेण्ट बैंकका प्रमुख कार्यकारी अधिकृत श्रेष्ठलाई सर्वसम्मतिले अध्यक्ष चयन गरेको हो।
उपाध्यक्षमा दिनेश थकाली, सचिवमा माधब प्रसाद उपाध्याय, कोषाध्यक्षमा कपिल ढकाल चयन भएका छन्। यस्तै, नरेश सिंह बोहरा, प्रकाश पौडेल, दिपेश लम्साल, हरिबहादुर बुढाथोकी र दिनेश पोखरेल सदस्य बनेका छन्। सभाले आर्थिक वर्ष २०८०/८१ को लेखापरीक्षण प्रतिवेदन, अध्यक्षको प्रतिवेदन, आर्थिक वर्ष २०८१/८२ को अनुमानित आय(व्यय तथा लेखापरीक्षक नियुक्ति लगायतका प्रस्ताव सर्वसम्मतिले पारित गरेको छ।
