काठमाडौं । साताको अन्तिम कारोबार दिन बिहीबार शेयर बजार घटेर बन्द भएको छ। नेपाल स्टक एक्सचेन्ज (नेप्से) परिसूचक १२.३८ अंकले घटेर २,६६९ विन्दुमा कायम भएको छ। आज ६२ कम्पनीको शेयर मूल्य बढ्दा १७५ कम्पनीको शेयर मूल्य घटेको छ। दिनभरिमा ३१२ कम्पनीका ९५ करोड ९९ लाख ३४३ कित्ता शेयर किनबेच हुँदा कुल ४ अर्ब ५६ करोड रुपैयाँभन्दा बढीको कारोबार भएको छ। आज सबैभन्दा धेरै नेपाल पुनर्बीमा कम्पनीको २८ करोड २१ लाख रुपैयाँको शेयर कारोबार भएको छ, भने हिमालयन रिइन्स्योरेन्सको २३ करोड १२ लाख र सिन्धु विकास बैंकको १६ करोड ६४ लाख रुपैयाँको कारोबार भएको छ।
आज दोल्ती पावर कम्पनीका लगानीकर्ताले सबैभन्दा धेरै ७.५३ प्रतिशतका दरले नाफा कमाएका छन्। त्यस्तै, एशियन हाइड्रोपावरका लगानीकर्ताले ५.४९ प्रतिशत, सिन्धु विकास बैंकका लगानीकर्ताले ४.९७ प्रतिशत र गार्डियन माइक्रो लाइफका लगानीकर्ताले ४.४३ प्रतिशतका दरले कमाएका छन्। यद्यपि, मिथिला लघुवित्त वित्तीय संस्था र भुगोल इनर्जीका लगानीकर्ताले सबैभन्दा धेरै गुमाएका छन्, जसअनुसार उनीहरूले १० प्रतिशतका दरले घाटा बेहोरेका छन्।
