काठमाडौँ । नेपाल स्टक एक्सचेञ्ज (नेप्से) मा नेपाल इन्स्योरेन्सको शेयरमूल्य समायोजन गरिएको छ। साधारण सभा तथा लाभांश वितरण प्रयोजनार्थ बुकक्लोज गरेसँगै नेप्सेले १५ प्रतिशत बोनस शेयर समायोजन गरी नयाँ मूल्य निर्धारण गरेको हो, जसअनुसार इन्स्योरेन्सको शेयरमूल्य प्रतिकित्ता ८६५ रुपैयाँ ३० पैसा कायम भएको छ।
अघिल्लो कारोबार दिन अर्थात बुधबार, इन्स्योरेन्सको शेयर प्रतिकित्ता ९९५ रुपैयाँ १० पैसामा अन्तिम कारोबार भएको थियो। समायोजित मूल्यलाई आधार मानेर दोस्रो बजारमा शेयर कारोबार खुल्नेछ। यसैबीच, इन्स्योरेन्सले चैत १९ गते नेपाल प्रज्ञा प्रतिष्ठान, कमलादीमा ७६औँ वार्षिक साधारण सभा बोलाएको छ, जसमा १५ प्रतिशत बोनस शेयर र ०.७९ प्रतिशत नगद लाभांश वितरण गर्ने प्रस्ताव पारित गरिनेछ। साथै, सभाले प्रबन्धपत्र तथा नियमावलीमा आवश्यक संशोधन गर्ने, सामाजिक उत्तरदायित्व अन्तर्गत कम्पनीका खर्च अनुमोदन गर्ने, लेखापरीक्षक नियुक्त गर्ने लगायतका प्रस्तावहरु पारित गर्नेछ।
