काठमाडौँ । नेपाल इन्स्योरेन्स कम्पनी लिमिटेडको लाभांश सुरक्षित गर्ने आज अन्तिम दिन रहेको छ, किनभने कम्पनीले लाभांश तथा हकप्रद प्रयोजनार्थ भोलि चैत ७ गते बुक क्लोज गर्दैछ। आजसम्म कायम रहने सेयरधनीले प्रस्तावित १५ प्रतिशत बोनस सेयर र कर प्रयोजनका लागि ०.७९ प्रतिशत नगद लाभांश प्राप्त गर्न तथा चैत १९ गते नेपाल प्रज्ञा प्रतिष्ठान, कमलादीमा बिहान ११ बजे बस्ने साधारण सभामा सहभागी हुन पाउनेछन्।
सभामा चुक्ता पुँजीको ४० प्रतिशत हकप्रद सेयर जारी गर्ने प्रस्तावसहित बोनस सेयरपछि बढ्ने पुँजीअनुसार प्रबन्धपत्र तथा नियमावली संशोधन गर्न सञ्चालक समितिलाई अख्तियारी दिने प्रस्ताव पनि पेश गरिनेछ। साथै, वार्षिक प्रतिवेदन, वित्तीय विवरण छलफल गरी पारित गर्ने, चालू आवका लागि लेखापरीक्षक नियुक्त गरी पारिश्रमिक निर्धारण गर्ने तथा संस्थागत सामाजिक उत्तरदायित्व अन्तर्गत भएका खर्च स्वीकृत गर्ने प्रस्तावहरू सभामा प्रस्तुत गरिनेछन्।
