काठमाडौं । एनएमबि बैंकले वातावरण संरक्षणमा योगदान पुर्याउने उद्देश्यले ‘ग्रीन सेभिङ्स डिपोजिट’ (हरित बचत खाता) योजना सुरु गरेको छ। यस खातामा जम्मा गरिएको रकम सौर्य ऊर्जा, ऊर्जा बचत तथा हरित परियोजनाहरूमा मात्र प्रयोग गरिनेछ। ग्राहकहरूले यस खाताबाट लगानीको राम्रो प्रतिफल मात्र नभई हरित ऋणहरूमा विशेष छुटसमेत प्राप्त गर्न सक्नेछन्।
बैंकले सन् २०४५ सम्म नेपाललाई शून्य प्रदूषणयुक्त बनाउने लक्ष्यलाई समर्थन गर्ने प्रतिबद्धता जनाउँदै यस योजनामार्फत जलवायु परिवर्तनविरुद्धको अभियानमा हातेमालो गर्न आह्वान गरेको छ। हाल एनएमबि बैंकले देशभर २०२ शाखा, १८७ एटिएम र ९ एक्सटेन्सन काउन्टरमार्फत उच्चस्तरीय सेवा प्रदान गरिरहेको छ।
