काठमाडौं। बीमा क्षेत्रका एक दर्जन कम्पनीहरूले आर्थिक वर्ष २०८०–८१ को मुनाफाबाट लाभांश घोषणा गरेका छन्। हालसम्म ६ वटा जीवन बीमा र ६ वटा निर्जीवन बीमा कम्पनीहरूले सेयरधनीलाई वितरण गर्ने लाभांश सार्वजनिक गरेका हुन्।
निर्जीवन बीमातर्फ सिद्धार्थ प्रिमियर, शिखर, सानिमा जिआइसी, नेपाल इन्स्योरेन्स, आइजीआई प्रुडेन्सियल र हिमालयन एभरेष्टले लाभांश घोषणा गरेका छन्, जसअनुसार सिद्धार्थ प्रिमियरले ३० प्रतिशत नगद, शिखर इन्स्योरेन्सले १० प्रतिशत बोनस र ०.५३ प्रतिशत नगद, सानिमा जिआइसीले ७.५ प्रतिशत बोनस र ०.३९ प्रतिशत नगद, नेपाल इन्स्योरेन्सले १५ प्रतिशत बोनस र ०.७९ प्रतिशत नगद, आइजीआई प्रुडेन्सियलले ९.७४ प्रतिशत नगद तथा एभरेष्ट इन्स्योरेन्सले ८.७५ प्रतिशत नगद लाभांश दिने भएका छन्।
त्यस्तै, जीवन बीमा तर्फ सानिमा रिलायन्स लाइफ, सूर्यज्योति लाइफ, नेपाल लाइफ, आइएमई, हिमालयन र सिटिजन लाइफले लाभांश घोषणा गरेका छन्, जसमा सानिमा रिलायन्सले १.२४ प्रतिशत बोनस र ८ प्रतिशत नगद, सूर्यज्योति लाइफले २० प्रतिशत नगद, नेपाल लाइफले १० प्रतिशत बोनस र ११.१ प्रतिशत नगद लाभांश दिने घोषणा गरेका छन्। अन्य बीमा कम्पनीहरूको लाभांश घोषणा हुन बाँकी रहेको छ।
