काठमाडौं । क्रेस्ट माइक्रो लाइफ इन्स्योरेन्सको आइपीओ मंगलबार चैत ५ गते बाँडफाँट हुने भएको छ। शेयर निष्काशन तथा बिक्री प्रबन्धक एनआइएमबि एस क्यापिटलको कार्यालयमा विहान साढे ८ बजे बाँडफाँट हुने जनाइएको छ। फागुन २२ गतेदेखि विक्री खुला भएको उक्त आइपीओमा २० लाख ४८ हजार ५३८ जना आवेदकले २ करोड ४४ लाख ९२ हजार १७० कित्ताका लागि आवेदन दिएका छन्। मागभन्दा बढी आवेदन परेकाले यो आइपीओ गोलाप्रथाबाट बाँडफाँट हुनेछ, जसअनुसार १ लाख ८४ हजार ५०० भाग्यमानी आवेदकले १० कित्ताका दरले शेयर पाउनेछन्। कम्पनीले जारी पुँजी ७५ करोड रुपैयाँको ३० प्रतिशत अर्थात् २२ लाख ५० हजार कित्ता शेयर निष्काशन गर्ने अनुमति पाएको थियो। वैदेशिक रोजगारीमा रहेका नेपालीका लागि २ लाख २५ हजार कित्ता, कर्मचारीका लागि ६७ हजार ५०० कित्ता र सामूहिक लगानी कोषका लागि १ लाख १२ हजार ५०० कित्ता बाँडफाँट भइसकेको छ। अब दोस्रो चरणमा सर्वसाधारणका लागि १८ लाख ४५ हजार कित्ता शेयर बाँडफाँट गरिनेछ।
