काठमाडौं । स्वरोजगार लघुवित्त वित्तीय संस्था लिमिटेडको एफपीओ भर्ने १८ लाख ६२ हजार भन्दा धेरैकाे हात खाली हुने भएकाे छ । आवेदन दिने अन्तिम दिनसम्ममा लघुवित्तकाे एफपीओमा ११९.८४ गुणा बढी आवेदन परेकाे हाे । सिडिएस एण्ड क्लियरिङ्ग लिमिटेडका अनुसार फागुन २१ गते, बुधबार बेलुकी ५ बजेर ७ मिनेटसम्ममा लघुवित्तको एफपीओमा १८ लाख ८२ हजार ४२२ जनाले आवेदन दिएका छन्।आजसम्ममा, लघुवित्तकाे एफपीओमा २ अर्ब ३४ कराेड ६२ लाख ९८ हजार रूपैयाँ बराबरकाे २ करोड ३४ लाख ६२ हजार ९८० कित्ताका लागि आवेदन दिइएकाे छ। यसरी, यस कम्पनीकाे एफपीओ भर्ने १९ हजार ५७७ जनाले मात्र शेयर पाउनेछन् ।
लघुवित्तले फागुन १८ गतेदेखि एफपीओ निष्काशन तथा बिक्री खुला गरेको थियाे । लघुवित्तले १ करोड ९५ लाख ७७ हजार ३०० रुपैयाँबराबरको प्रतिकित्ता १०० रुपैयाँ अंकित मूल्यका १ लाख ९५ हजार ७७३ कित्ता शेयर निष्काशन गरेको थियाे ।
