काठमाडौं । राष्ट्रिय वाणिज्य बैंकले २ अर्ब ५ करोड रुपैयाँ बराबरको ऋणपत्र बिक्री गर्न लागेको छ। यसका लागि बैंकले नेपाल धितोपत्र बोर्ड (सेबोन)बाट अनुमति प्राप्त गरेको छ।
बैंकले प्रतिइकाइ १ हजार रुपैयाँ दरका २५ लाख इकाइ ऋणपत्र जारी गर्नेछ। जसमध्ये १५ लाख इकाइ सर्वसाधारणका लागि खुला गरिनेछ भने बाँकी १० लाख इकाइ बैंकले आफ्नै पहलमा प्राइभेट प्लेसमेन्ट गर्नेछ।
७ वर्ष अवधिको ‘७ प्रतिशत आरबीबीएल डिबेन्चर २०८८’ नामक ऋणपत्रको वार्षिक ब्याजदर ७ प्रतिशत तोकिएको छ। यस ऋणपत्रको बिक्री प्रबन्धक सानिमा क्यापिटल रहेको छ।
