काठमाडौँ । संस्कृति, पर्यटन तथा नागरिक उड्डयनमन्त्री बद्री पाण्डेले निजी क्षेत्रको सक्रिय सहभागिता बिना पर्यटन क्षेत्रको विकास सम्भव नहुने बताएका छन्। शुक्रबार आर्थिक वर्ष २०८२/८३ को नीति तथा कार्यक्रम तथा बजेटमा पर्यटन, नागरिक उड्डयन र संस्कृति क्षेत्रका मुद्दाहरू समेटिनुपर्ने विषयमा सरोकारवालासँग भएको छलफल तथा सुझाव संकलन कार्यक्रममा उनले उक्त धारणा व्यक्त गरेका हुन्।
मन्त्री पाण्डेले भने, "निजी क्षेत्र सक्रिय नभई पर्यटन क्षेत्रको विकास हुन सक्दैन। पर्यटन क्षेत्र अघि बढाउने प्रमुख शक्ति नै निजी क्षेत्र हो। गन्तव्य पहिचान गर्ने जिम्मेवारी पनि निजी क्षेत्रको हो, जसलाई राज्यले आवश्यक उद्धार भावका साथ सहयोग गर्नेछ।" उनले पर्यटन क्षेत्रको दीर्घकालीन विकासका लागि लगानीमैत्री वातावरण आवश्यक रहेको उल्लेख गर्दै स्वदेशी तथा विदेशी लगानीकर्ताहरू भित्रिनु पर्ने बताए। यसबाट राज्यले ठूलो लाभ लिन सक्ने उनको धारणा छ।
