काठमाडौं । एनआईसी एशिया बैंक लिमिटेडले नयाँ वर्ष विक्रम संवत २०८२ को अवसरमा हार्दिक शुभकामनासहित आकर्षक साजसज्जामा डिजिटल क्यालेन्डर सार्वजनिक गरेको छ। ग्राहक तथा सरोकारवालाहरूलाई नयाँ आशा, भरोसा र उमंग प्रदान गर्ने उद्देश्यसहित बैंकले सरल तथा सहज सुविधाका लागि डिजिटल क्यालेन्डर उपलब्ध गराएको हो। उक्त क्यालेन्डरमा नेपाल सरकारद्वारा प्रकाशित राजपत्रमा उल्लेख गरिएका बिदा, चाडपर्व, दिवस, पञ्चांग तिथि लगायतका विवरणहरू समावेश गरिएको छ भने बैंकका विभिन्न प्रोडक्ट, सेवाहरू तथा नयाँ बनेका भवनहरूको तस्बिरहरू समेत समेटिएको छ। वाल तथा टेबल क्यालेन्डरको आकारमा तयार पारिएको यो डिजिटल क्यालेन्डर बैंकको आधिकारिक वेबसाइट (https://www.nicasiabank.com/e-calendar/) मार्फत सजिलै डाउनलोड गर्न सकिने व्यवस्था गरिएको छ।
