काठमाडौँ । सानिमा रिलायन्स लाइफ इन्स्योरेन्स लिमिटेडले २ लाख १३ हजार १९७ कित्ता संस्थापक सेयर बिक्रीमा राखेको छ । कम्पनीका केही संस्थापक सेयरधनीले आफूसँग रहेको सेयर बेच्न कम्पनीमा निवेदन दिएपछि सेयर बिक्रीमा राखिएको हो। हाल कम्पनीका विद्यमान संस्थापकहरूले मात्रै यो सेयर किन्न सक्नेछन्। सेयर किन्न इच्छुक संस्थापकले आउदो चैत ६ गतेभित्र काठमाडौंको बानेश्वरस्थित कम्पनीको केन्द्रीय कार्यालयमा निवेदन दिनु पर्नेछ। यो अवधिभित्र सम्पूर्ण सेयर बिक्री नभएमा सर्वसाधारणलाई बेच्न प्रक्रिया अघि बढाइने कम्पनीले जनाएको छ।
