धितोपत्र बोर्डमा नेतृत्वको खडेरी: पोखरेलको राजीनामापछि कसको पालो?

काठमाडौ । नेपाल धितोपत्र बोर्डका कार्यकारी निर्देशक (ईडी) कृष्णराज पोखरेलले व्यक्तिगत कारण देखाउँदै राजीनामा दिएसँगै बोर्डमा एक कार्यकारी निर्देशकको पद खाली भएको छ। पोखरेलले माघ ८ गतेदेखि कार्यालय जान छोडेका हुन्।

हाल बोर्डमा आठ जना उप कार्यकारी निर्देशक रहेका छन्। तीमध्ये वरिष्ठताका आधारमा रुपेश केसी र दीपा दाहाल मात्र कार्यकारी निर्देशक पदका लागि योग्य ठहरिएका छन्। उनीहरु दुबैजना पाँच वर्षअघि एउटै मितिमा उप कार्यकारी निर्देशकमा बढुवा भएका थिए। स्रोतका अनुसार यी दुईमध्ये एक जनालाई कार्यकारी निर्देशकमा बढुवा गरिनेछ।